کراچی۔19 اگست(اے پی پی) صدر مملکت اتے چیف اسکاﺅٹ پاکستان ڈاکٹر عارف علوی آکھیے جو سکولاں اتے مدرسیاں دے بالاں کوں وی اسکاﺅٹس بنڑاونڑا چاہیدے،ملک اچ ہکو سویں تعلیمی نظام تے ودھ توجہ ڈتی ویندی پئی اے،اسکاﺅٹس بالاں کوں روایتی مہارتاں سکھاونڑ دے نال نال جدید ٹیکنالوجی نال وی متعارف کرایا ونجے، اسکاﺅٹس ایسوسی ایشن دے ملسلے حل کرنڑ کیتے ودھ ہتھ ونڈیا ویسی۔ اے گالھ انہاں سندھ بوائے اسکاﺅٹس ایسوسی ایشن دے صوبائی ہیڈ کوارٹراچ پاکستان بوائے اسکاوٹس ایسوسی ایشن دے 75 ویں قومی کونسل دے اجلاس نال خطاب اچ آکھی۔ ایں توں پہلے صدر مملکت اتے چیف اسکاﺅٹ دے آونڑ تے اسکاﺅٹس انہاں کوں گارڈ آف آنر پیش کیتے،مہمان خصوصی سرسبز پاکستان مہم دے تحت اتھاں بوٹا وی لائے۔ انہاں آکھیے جو اسکاﺅٹس ایسوسی ایشن کوں سارے سکولاں نال ملک اچ موجود مدارس تئیں وی پجنڑا چاہیدے۔
مضمون کا ماخذ : میٹھا بونانزا
